Арнаулы кітапханада оқырмандар арасында «Діни сауаттылық – заман талабы» атты ақпараттық сағат өтті. Іс-шаран...

Арнаулы кітапханада оқырмандар арасында «Діни сауаттылық – заман талабы» атты ақпараттық сағат өтті. Іс-шараның мақсаты – дәстүрлі діннің құндылықтарын насихаттау, діни сауаттылықты арттыру, жат ағымдардың зиянын түсіндіру және қоғамдағы рухани тұрақтылықты нығайту.Кездесуге «Аңсар» ақпараттық-талдау орталығының мамандары арнайы қатысып, дәстүрлі исламның негізгі қағидалары, интернет кеңістігіндегі діни ақпаратты дұрыс саралау және жастардың діни сауаттылығын қалыптастыру мәселелері жөнінде жан-жақты түсіндірме жұмыстарын жүргізді. Кездесу барысында оқырмандар өздерін толғандырған сұрақтарын қойып, мамандардан нақты әрі тұшымды жауаптар алды. Пікір алмасу еркін форматта өтіп, қатысушылардың діни танымын кеңейтіп, рухани дүниетанымын байытуға ықпал етті. @aqtobe.madeniet