📙Арнаулы кітапханада қазақ әдебиетінің көрнекті өкілі, Қазақстан Жазушылар одағының мүшесі, ақын Кәрім Айнабе...

📙Арнаулы кітапханада қазақ әдебиетінің көрнекті өкілі, Қазақстан Жазушылар одағының мүшесі, ақын Кәрім Айнабековтың шығармашылығына арналған «Өрелі өлең иесі» атты әдеби кеші өтті.
Кешке құрметті қонақ Қазақстан Жазушылар одағының мүшесі, ақын, сазгер, аудармашы, ҚР Мәдениет және ақпарат министрлігінің «Мәдениет саласының үздігі», тележурналист ,Кәрім Айнабековтың шәкірті Аймаханова Гүлсамал Төрединқызы келіп қатысты. Ол ақынның шығармашылық жолы, өмірлік ұстанымы, поэзияға адалдығы жайлы естеліктерімен бөлісіп, көрермендерді тебірентті. Кеш аясында Кәрім Айнабековтың шығармашылығына құрмет ретінде Ақын, ҚР Жазушылар және Журналистер одағының мүшесі, өнер зерттеушісі, білім беру және мәдениет саласының ардагері, ҚР Педагогикалық Ғылымдар Академиясының академигі Қалауов Нұрлыбек Амандаулетұлы арнайы бейнеролик жолдап, ақынның қазақ әдебиетіндегі орны, поэзиясының ерекшелігі туралы жылы естеліктерімен бөлісті.
Шара барысында ақын өлеңдері мәнерлеп оқылып, «Жыр арқауы – туған ел мен рух» кітап көрмесі оқырмандарға таныстырылды.
Кеш соңында оқырмандар Ақтөбе өңіріне белгілі тұлға туралы ақпарат алып, кітапхана ұжымына ризашылықтарын жеткізді. @aqtobe.madeniet @gulsamal_at