📖«Көп оқыған қария» жобасы аясында арнаулы кітапхана қалалық №5 жалпы орта білім беретін мектеп оқушыларына «...

📖«Көп оқыған қария» жобасы аясында арнаулы кітапхана қалалық №5 жалпы орта білім беретін мектеп оқушыларына «Мақал сөздің мәйегі» библио-квест шарасын өткізді. Библио-квестте түрлі тақырыптағы мақалдардың мағынасын ашып, бейнежазбалар көрсетілді. Мақал-мәтелдер – халық даналығының қазына байлығы. Олар ғасырлар бойы қалыптасып, сол халықпен мәңгі бақи бірге жасап, біте қайнасып кеткен дүние. Сондықтан да оны жұртшылық жадына сақтап, өзінің күнделікті өмірінде, өзара қарым-қатынасында пайдаланады. Шара барысында оқушылар мақалдың мәтелден айырмашылығына тоқталып, өмірде қолданылу аясы жайында толық түсінік берді. Сонымен қатар, «Мәдениеттің мәйегі-кітап» тақырыбында кітап көрмесі жасақталып оқырмандарға таныстырылды. Халық ауыз әдебиетінің ең көне түрі саналатын мақал-мәтелдер тоқсан ауыз сөздің тобықтай түйінін жинақтауға тірек болатын қанатты сөздер. Қазақ халқы барда мақал-мәтелдер халық жадында сақталып мәңгі жасайды. @aqtobe.madeniet @5_orta_mektep