«Ерекше кітаптар әлемі» жобасы аясында арнаулы кітапхана қызметкерлері «Ақтөбе облыстық арнайы мектеп-интернат...

«Ерекше кітаптар әлемі» жобасы аясында арнаулы кітапхана қызметкерлері «Ақтөбе облыстық арнайы мектеп-интернат –колледж КММ» кешенінде оқушыларға республикалық тактильді кітап жасау байқауында кітап қорына келіп түскен, үздік деп танылған кітаптар мен бедерлі суреттерді таныстырды. Республиканың әр қаласынан келген жұмыстардың жасалу жолы, қолданылған материалдарына толық тоқтау жасалды. Сонымен қатар, кітапханаға жаңадан электронды қазақ үй аудио кітабы таныстырылды. Электронды қазақ үй кітабында қазақ ертегілері, балалар әндері, күйлер, дәстүрлі әндер, терме-толғаулар, бесік жырлары мен Абайдың қара сөздерін оқыды. Шара соңында оқушылар мен ұстаздар бабаларымыздың бізге жеткенбай рухани мұраларын бүгінгі және келешек ұрпаққа жаңаша үлгіде насихаттайтын заманауи тәрбие құралының ерекшеліктерін атап өтті. Мазмұнды шара соңында оқушылар өз әсерлерімеен бөлісіп, ұйымдастырушыларға алғыстарын білдірді.
@aqtobe.madeniet
#ерекшекітап📙