Иттің атынан жазылған бүл повесть - Джек Лондонның айгілі шыгармасы. Кітапқа арқау болған ит тағдыры оқырманның әрбір жаңа буынына ерекше әсер етіп, көңіл пернесін дөп басады. Өйткені автор иттің жан тебіренісін сипаттай отырып, оқырманның да жан дүниесін алай-дүлей күйге түсіреді. Бэк — жартылай сенбернар, жартылай овчарка. Ол Калифорниядағы жылы сарайда жайлы өмір кешіп жүрген жерінен ұрланып, Солтүстік Канадаға баратын кемеден бір-ақ шығады. Бұдан әрі оған иттермен бірге жұмысқа жегілуге тура келеді. Оның қараңғы түнде суық қарға бауырын төсеп жатуы, бірінші болу үшін өзге иттермен жан аямай таласуы, бұрын жасамаған жат істерді жасауы – тірі қалу үшін тағдырға бойсұнуының белгісі еді. Бэк қатігез алтын іздеушілердің қолынан мейірімді Джон Торнтонның қолына өтеді. Осылайша олардың арасында ерекше жылы қарым-қатынас қалыптасады. «Тектік сарын» – оқырманын баурап алар қызықты, футуристік шығарма. Онда адам мен ит арасындағы тылсым байланыс, иттің иесіне деген көзсіз махаббаты әдемі айшықталған. Сонымен қатар Бэктің адам мен өркениеттен жырақтағы мұзды өлкеrе үнемі шақырып тұратын қуатты тағылық инстинкті шебер суреттелген.