29 қараша күні арнаулы кітапхананың ұйымдастыруымен С.Жиенбаев атындағы облыстық жасөспірімдер кітапханасында “Жетістікке жету - өз қолыңда” жобасы аясында “Өмірге құштар қайсар жан” атты мотивациялық подкаст өтті. Подкаст кейіпкері ретінде кітапхананың тұрақты зағип оқырманы, әуесқой ақын Жанасилов Әлібек шақырылды. Сұхбат барысында кейіпкер өскен ортасы, ата- анасы, бауырлары, жастық шағы, студенттік кезеңі туралы баяндады. Сонымен қатар, өз тағдырында кездескен қиындықтарымен бөлісіп, жастарды білімді, ізденімпаз болуға шақырды. Кітапханада оқыған шығармаларына тоқталып, өз шығармашылығынан мотивацияға толы өлеңдерін оқып берді. Мазмұнды сұхбат соңында кейіпкерге кітапхана директорының атынан естелік сыйлық табыс етілді.