1 маусым күні С.Жиенбаев атындағы креативті орталықта «КІТАП ФЕСТИВАЛІ - 2023» шарасы өтті. Фестиваль барысында Брайль әліпбиінен бастап түрлі тифлоқұралдар, тактильді, аудио кітаптарды қала тұрғындары мен қонақтарына кеңінен таныстырып, техникалардың қолдану тәсілдерін насихаттап, дәріптеу жұмыстарын жүргізілді. Фестиваль аясында Ерекше кітаптар әлемі» алаңында оқырмандарға «Әдеби рандеву», республикалық «Бір ел - бір кітап», облыстық «Оқитын өлке» акцияларында таңдалған қаламгерлердің шығармалары насихатталып, ақын-жазушылардың өмірі мен шығармаларынан қызықты сұрақтар қойылып, «Әдеби лото» ойыны, «Буккроссинг» ұйымдастырылды.
Бұл шаралар кітапхана жұмыстарын жан-жақты таныту арқылы өзге де зағип, нашар көретін жандарды рухани ортаға тарту болып табылады. Кітапхана мен оқырман бөлінбес байланыс болғандықтан сала қызметкерлері әрдайым насихат жасаудан жалықпайды. Кітап фестивалі апта жалғасын табады. Біз сіздерді күтеміз!
Сіздің пікіріңіз бізге маңызды