Арнаулы кітапханада «Сөз сыры» жобасы аясында  ақын, белгілі журналист, Жазушылар одағының мүшесі, өнер зерттеушісі, білім беру және мәдениет саласының ардагері,  ҚР Педагогикалық  Ғылымдар  Академиясының академигі Нұрлыбек Қалауовтың 70 жас мерейтойына арналған «Жырымен жанды емдеген» атты  ақынмен кездесу кеші өтті. Кешке  ақынның қызы Гүлжазира Нұрлыбекқызы,  үзенгілес досы Мұқан Сатыбаев,  шәкірті танымал  айтыскер ақын Қайнар Алагөзов келіп қатысты. Сонымен қатар, ақынның еңбектерін жүйелеп  зерттеп жүрген референт   Ырысты Орынғалиқызы, «Геолог» мәдениет үйінің музыкалық жетекшісі Сеитова Бибігүл мен Арыстанұлы Ерасыл және оқырмандар қатысты. Ақынның еңбектерін кеңінен насихаттайтын «Тамыры терең бәйтерек» атты кітап көрмесі оқырмандарға таныстырылды. Кеш қонақтары ақынның  бала кезі, жастық шағы, шығармашылық даму кезеңдері туралы салмақты сұрақтарға өнегелі жауап алды. Гүлжазира Нұрлыбекқызы ақынның әкелік қырын ашты. Нұрлыбек Амандәулетұлының  сөзіне жазылған «Ақтөбемнің кештері» әні шырқалды.   Шәкірті ақын Қайнар ұстазына арнау арнады. Әйгілі Ойыл ауданынан шыққан тары атасы Шығанақ Берсиевке арналған «Шығанақ»  пьессасының қоюшы режиссері Ерболат Есенбекұлы пьесса  туралы толық айтып, Алматы қаласынан  бейне құттықтау  жолдады.  Мазмұнды  кешке  «AQTOBE» телеарнасының тілшілері куә болды.