14 наурыз – Амал мерекесі және 22 наурыз –Ұлыстың Ұлы күніне орай «Сырғалым» мейрамханасында «Наурыз келді –нұршашты» мерекелік кеші өтті. Кеш барысында зағип оқырмандарға ұлттық дәстүр бойынша наурыз мерекесінің ерекшелігі, табиғат пен адамның байланысы, салт-дәстүрі, әдет-ғұрпы насихатталды. Мерекелік кеште оқырмандарға «Сырғалым» мейрамханасын басшы Айнұр Кенесбайқызы ақ дастарханын жайып ұлттық тағамдардан дәм татқызды. «Айс-Плюс» ЖШС зағип оқырмандарға сүт өнімдерін үлестірді. Шара барысында Ақтөбе облыстық халық шығармашылық орталығының қызметкерлері, қалалық зағиптар мәдениет үйінің өнерпаздары өз өнерлерін көрсетті. Кеш соңында кітапхана директоры бүгінгі кештің демеушілеріне кітапхана оқырмандар атынан ризашылығын білдіріп алғыс хат табыстады.